Mujhe yaad aa rahaa hai aath saal pahle kaa wo manjar jab main aur mere saathee naksalwaadiyon ke chakravyuh se suraxit bach nikalne men kaamyaab ho gaye the .na jaane kitne nirdosh logon kee hatyaa, lootpaat aur aagjanee maine apnee aankhon se dekhaa thaa .......bastar kee haree bharee waadiyon men mout kaa taandav dekhaa thaa ... naksalwaadiyon ke bandookon se niklee huee goliyon se is dhartee ko laal hote huye dekhaa thaa .....wo peedaa aaj bhee mere dil men ek shool kee tarah chubhtee hai kyonki maine khoyaa hai apnon ko.... mere paidaa hone ke baad hee mere maataa-pitaa ko goliyon se bhoon diyaa gayaa.....mere bhaaee ko bamb se udaa diyaa gayaa... mere pyaare mahaatmaa jaise daadoo ko akaaran hee naksalwaadiyon kee golee kaa shikaar honaa padaa par main unke liye kuchh na kar sakaa..... daadoo ne hee mujhe chakravyuh se nikalne kee shixaa dee thee tabhee main un sapnon ko pooraa kar paayaa jo bachpan men unhone mujhe dikhaaye the . unkee yaad aate hee aankhe bhar aatee hai . agar ham naksal chakravyuh se na nikle hote to ham bhee bhaarat desh ke un hajaaron yuwaaon kee tarah naksalwaad kee vedee men swaahaa ho jaate, na hee hamaaraa koee vartmaan hotaa aur na hee koee bhavishy .
